توني دريت انك تلعب بحبال الذل والكتمان
بالاول شرحت لي حبك وحلفت لي انك تحب وتغليني
واليوم رسالة ما طاوعتك يدك تناولني اياها وتبشرني
خذت علي وعد بانك تراسلني و تدعيني لفرحتك ومسيرتك
لكنك فضلت تفرح وتختلي بزفافك وتظني بحسدك على بسمتك
ويمكن تتحراني اقول عنك تفرح وتنساني وتفضل غيري علي بمحبتك
لكني عرفت انك طماع وتعجبك الناس باللوانها الا ما كنت بتفرط بحبك
يا كيف بتقزر حياتك مع غيري ونت عاهدتني بالوصال للاخير بظنك
ولكني ما جبرتك تواصل لانك ضعيف وانا المجد يحتويني وماني مثلك
نعم اجبرتك تراسلني برسالة اخيرة وهذي هي مقصودة في كلامي الحين
لكنك تركتني متولع في جواب ما تسوى حناني وانيني ونزيف دمي من الجبين
اعلنت الرحيل انت ونسيت الوعود اللي شدينا حبالها سوية
وانا اقول لك اني ازيد من اللي خبرتك عنه واخلي الانفاس مكوية
صحيح انه ما يهمك هالشي لانك خاين ولكن هذا صار سر وجودي فالدنيا
لا تجي وتقول ما نويت البعد والجفا لان الجفا يحتويك باربع جدران
يمينك جفا وجدامك نكران ويسارك خيانة ووراك كذب وعصيان
يا كيف يطاوعك قلبك تشيل كل الاشيا على كتوفك ياللي من الشر تعبان
بالامس نويت انساك ولكنك صكيت االابواب وقلت لي بتكون رفيق العمر
واقنعت قلبي الخفوق خفقان الطيب والعز وخذته معاك وغرقته لاعمق بحر
واليوم اشوفك نويت الشط والبعد عني وحتى تشححت علي برسالة تخط فيها بحروف بها بالحبر
وتطمن قلب ذاب من العنا والعذاب من الدنيا اللي طالما سقيتها من دمي وجنيت اللوم بالمقابل والهجر
ولكن""""
اليوم قلبي نوى يحرق رسايلك ويكمل دربه بنيران الحقد والبراكين عليك
سير وودع او ما تودع بصير انا عزيز من دونك واللي ينفعك خله يسليك
اظني اشكالك كثيرين بالجفا ولزوم تلقى لك من الملايين واحد يبادلك بالمثيل ويزيدك
اما انا بحرق صورتك لا مرت على الذكرى بعدما علقت قلبي لك رهين وبادلته بالبعد ونحرته بسكينك
روح وخل الذكرى تعذبك يمكن تتعلم مني درس العز والحشمة والوفا
واذا نويت تسايرني بعادتك تراني ما افتح مدرسة تعلم الخلق الجفا
اسمحي لي سير صفك وادرس دروسك وشد حيلك ومنك الجهل كفى
نعم انا شاعرك اللي مدحك ولون لك الدنيا بانواع الالوان
ولكني في نفس الوقت اذم لا تحسست الجفا وخليه فالحسبان
نواسك الاولي صار يلعب بالشعر لعاب ويناولك رسالة النسيان
موضوع: رسالة النسيان 
الجمعة يناير 11, 2008 4:51 pm
