عملوا جائزة مليون جنيه للي عنده 10 عيال، واحد عنده تسعة قال لمراته: أنا غلطت وخنتك وخلفت ولد من علاقة مع واحدة متجوزة، أروح أجيبه ونكمل العشرة ونكسب الجايزة؛ راح ولما رجع ملقاش العيال، سأل مراته: فين العيال؟! قالت له: كل عيل أبوه جه خده.
مصري أهدى مبارك سلحفاة هدية وقال له: السلحفاة ديه بتعيش 400 سنة، قاله الريس: حنشوف...
2 مساطيل ركبوا أتوبيس بدورين، اللي فوق سأل اللي تحت: انتوا ماشيين بسرعة كام؟ قالوا: ،80 وانتوا؟، قاله: إحنا السواق مجاش.
غبي راح يخطب، أبو العروسة قال: البنت لسه فى المدرسة، رد عليه: يعنى أجيلها بالليل.
واحد ميكانيكي فتح مصنع شيكولاتة سماه "كالاكسى".
سواق راح يحلق الحلاق بيسأله: عايز شعرك ازاى؟ قاله: فى أى حته على جنب.
محشش جابوه للقاضي قاله: لو قلتلى 10 حاجات بتعملها من ساعة ما تصحى لغاية ما تنام وتكون تبدأ بحرف الألف حسيبك؟ قاله المسطول: اجيبها واحرقها وافرطها والفها و اولعها واعمرها وامخمخ انسطل اطفيها انام.
واحد بخيل راح يزور أمه فى المستشفى شاف على الباب مكتوب "إدفع" قال: خلاص ابقي ازورها لما تروح البيت
موضوع: شويـــة نكت خفيفه 
الجمعة ديسمبر 28, 2007 3:30 pm
